MO BLOG » POLITICS

CCM yazoa kata zaidi ya asilimia 72 katika uchaguzi mdogo wa udiwani uliofanyika.

Admin — Tue, 18 Jun 2013 10:44:03 +0000

Katibu wa NEC Itikadi na Uenezi Nape Nnauye.

Matokeo ya Uchaguzi mdogo wa udiwani uliofanyika jana, Juni 16, 2013 yanaonyesha kuwa Chama Cha Mapinduzi (CCM) kimepata kata 16 kati ya Kata 22 ulikofanyika uchaguzi huo.

Kata hizo 22 zilizofanya uchaguzi ni Kati ya 26 zilizotangazwa kufanya uchaguzi mdogo wa kujaza nafasi zilizokuwa zimeachwa wazi kutokana na sababu mbalimbali.

Kata nne zilizoko Arusha uchaguzi wake ulisitishwa na Tume ya Uchaguzi kufuatia mlipuko wa mabomu kwenye mkutano wa kampeni za Chadema, ambao uliosababisha vifo vya watu wawili na wengine kadhaa kujeruhiwa siku moja kabla ya uchaguzi.

Nape: Chadema ni Wahutuhumiwa namba moja.

Admin — Mon, 17 Jun 2013 13:06:18 +0000

Katibu wa NEC Itikadi na Uenezi Nape Nnauye akizungumza na waandishi wa habari leo mjini Dodoma.

Itakumbukwa tarehe 16/06/2013 ilikuwa ni siku ya uchaguzi mdogo wa madiwani kwa baadhi ya kata nchini. Uchaguzi huo umefanyika kwenye kata ishirini na mbili (22) kati ya kata ishirini na sita (26) zilizotangazwa kufanya uchaguzi mdogo wa kujaza nafasi wazi.
Matokeo tuliyoyapata toka kwenye maeneo yaliyofanya uchaguzi yanaonyesha kuwa kati ya kata 22 zilizofanya uchaguzi CCM tumeshinda kata 16 sawa na asilimia 72.72% na wenzetu wamechukua kata 6 zilizobaki sawa na asilimia 27.28%.

Tunawashukuru sana kote walikoonyesha imani yao kubwa kwa Chama chetu kwa kutupa dhamana ya kuendelea kuwatumikia. CCM inawaahidi utumishi uliotukuka. Hata wale 27.28% walioamua kuwajaribu wenzetu, tunawatakia kila lakheri, kwani wametumia haki yao ya kidemokrasia kuchagua wanaodhani watawasaidia kufikia malengo yao ya kimaendeleo. Uchaguzi kwenye kata hizi zote umeisha sasa tuwatumikie wananchi.
Kata nne za jiji la Arusha hazikufanya uchaguzi baada ya kuahirishwa kufuatia tukio la kusikitisha la kulipuka kwa bomu kwenye mkutano wa kampeni wa Chadema mjini Arusha tarehe 15/06/2013.

CCM tunalaani tukio hilo la mlipuko wa bomu na matukio yanayofanana na hayo katika nchi yetu. Tunawapa pole wale wote walioathirika na tukio hilo. Ni vizuri serikali ikalichunguza swala hili kwa kutumia muda mfupi na kuhakikisha waliohusika wanapatikana na kuchukuliwa hatua zinazostahili.

Pamoja na kulaani na kuitaka serikali kukomesha vitendo hivi nchini, ni wakati muafaka kwa vyama vya siasa nchini kujitazama upya kwani kuna kila dalili kuwa tukio hili kama alivyonukuliwa na baadhi ya vyombo vya habari mhe. Mbowe Mwenyekiti wa Chadema Taifa kuwa ni la kupangwa, inawezekana limepangwa na Chadema wenyewe.
Hali ya kisiasa jijini Arusha kuelekea uchaguzi huo ilikuwa wazi kuwa wana Arusha walishaamua kuzirudisha kata hizo nne kwa CCM, hasa baada ya kuchoshwa na maandamano na vurugu za kila siku jijini Arusha. Aidha kauli za kukata tamaa za viongozi wa Chadema na vitendo vyao ni dalili tosha kuwa tukio hili lilipangwa na Chadema wenyewe.

CCM tunaendelea kusisitiza na kulaani juhudi za wenzetu kujaribu kujenga umaarufu wa chama chao juu ya damu za Watanzania. Juhudi hizi zinapaswa kulaaniwa na wazalendo wote ndani na nje ya nchi. Tukumbuke asiyekubali kushindwa, si mshindani. Si busara wala uungwana na ni kinyume na utu kutumia majanga ya kutengeneza kama mtaji wa kisiasa.
Lakini CCM tunalaani pia kitendo cha viongozi wa Chadema kujaribu kutumia baadhi ya misiba na majeruhi wa tukio hili kisiasa na mwisho wa siku kwenda kuwatelekeza hospitali baadhi yao baada ya kuwaahidi kubeba gharama zote za matibabu na mazishi.Tunaipongeza serikali kwa kuingilia kati na kuwasaidia waathirika hawa na kuhakikisha wanapata huduma inayostahili.

CCM inarudia kueleza masikitiko yake kwa waathirika wa tukio hili la kinyama na kikatili lisilostahili kuvumiliwa hata kidogo. Kama Chama tumeguswa sana na tukio hili pamoja na kulilaani, tunawasihi watanzania tushindane na kutofautiana bila kupigana na kuvunja tunu ya nchi yetu ya amani na utulivu. Katika demokrasia ya vyama vingi swala la kuvumiliana ni swala la msingi sana katika kufikia ukomavu wa demokrasia hiyo.

Viongozi wa CCM watakiwa kujenga utamaduni wa kuwaeleza wananchi ukweli wa kinachoendelea ndani chama.

Admin — Sat, 01 Jun 2013 18:41:56 +0000

KATIBU Mkuu wa CCM, Abdulrahman Kinana akihutubia mamia ya wananchi baada ya kufungua tawi la CCM la Kitongoji cha Wangamiko, Kata ya Malangali wilaya ya Wanging’ombe, Machi 31, 2013, akiwa katika ziara ya kukagua utekelezaji ilani ya Chama, na pia kukagua na kuimarisha uhai wa Chama katika mkoa wa Njombe. (Picha na Bashir Nkoromo).

Katibu Mkuu wa CCM, Abdulrahman Kinana akizungumza na wananchi kwenye Ofisi ya CCM mkoa wa Njombe leo Juni 1, 2013. Kushoto ni Katibu wa NEC, Itikadi na Uenezi, Nape Nnauye na Mwenyekiti wa CCM mkoa wa Njombe Deo Sanga. (Picha na Bashir Nkoromo).

Na Bashir Nkoromo – Njombe.

Katibu Mkuu wa Chama Cha Mapinduzi (CCM) Abdulrahman Kinana, amesema ziara yake mkoani Njombe imempa imani kwamba CCM itaendelea kuaminiwa na wananchi kwa muda wa miaka mingi ijayo kuiongoza Tanzania.

Amesema imani hiyo ameipata baada ya kutembelea wilaya mbalimbali za mkoa huo na kushuhudia mwitikio mkubwa wa wananchi katika kukiunga mkono Chama Cha Mapinduzi, hadi katika maeneo ya vijijini ambayo ni magumu kufikika.

Katika ziara hiyo ambayo anafuatana na Katibu wa NEC, Itikadi na Uenezi Nape Nnauye, Kinana ametembelea wilaya za Makete, Wanging’ombe, Ludewa, na Njombe.

Kinana amesema, changamoto iliyobakia kwa viongozi wa CCM ni kuwatembelea wananchi wa kawaida bila kujali kuwa ni wana CCM wenzao, ili kuzungumza na kusikiliza kero zao kwa lengo la kuzifanyia kazi, ikiwa ni mkakati wa kuhakikisha utekelezaji wa ilani ya uchaguzi inakamilika kwa kiwango kilichotarajiwa.

Amesema, ili kuendeleza imani waliyonayo wananchi kwa CCM, ni lazima viongozi wa Chama na wale wa serikali, wajenge tabia ya kuwaeleza wananchi kinagaubaga kuhusu mafanikio au changamoto zinapojitokeza katika utekelezaji wa miradi ya maendeleo au huduma za kijamii.

Kinana : CCM kutekeleza kile kilicho ahidi.

Admin — Fri, 31 May 2013 06:02:28 +0000

Katibu Mkuu wa CCM,Ndugu Abdulrahman Kinana ,akiongozana na Mkuu wa Wilaya ya Makete,Ndugu Josephine Matiro na viongozi wengine wa CCM wa Wilaya ya Makete na Mkoa wa Njombe kwenda nyumbani kwa mabalozi wa mashina ya CCM katikatika kijiji cha Tandala tarehe 30 Mei 2013.

Katibu Mkuu wa CCM Ndugu Abdulrahman Kinana akizungumza na wakazi wa shina la Tandala ,kata ya Singida,kijiji cha Tandala,wilaya ya Makete, mkoa wa Njombe.

Balozi wa Shina la Tandala,Bi. Zakina Sanga akiwa mwenye uso wa furaha baada ya kutembelewa na Katibu Mkuu wa CCM Taifa,Ndugu Abdulrahman Kinana.

Balozi Paschal Sanga wa shina la CCM namba 8, akimkaribisha Katibu Mkuu wa CCM kwenye shina hilo.

Katibu Mkuu wa CCM,Ndugu Abdulrahman Kinana akizungumza na wakazi wa shina na 8,na kuwaambia CCM inathamini sana uwepo wa mabalozi.

Wakazi wa shina namba 8 kwa Balozi Paschal Sanga,wakishangilia hotuba ya katibu Mkuu wa CCM ,Ndugu Abdulrahman Kinana.

Katibu Mkuu wa CCM Taifa , Ndugu Abdulrahman Kinana amewataka viongozi wa ngazi mbalimbali wa CCM kuwa karibu na mabalozi wa mashina na kuhakikisha wanawatembelea mara kwa mara.

Katibu Mkuu alisema pia viongozi hawana budi kuongeza moyo wa kujitolea, akizungumza nyumbani kwa Balozi wa Shina la Tandala, Bi. Zakina Sanga ,alisema hakuna chama kitakachoahidi miujiza na kusisitiza kuwa CCM kimeahidi na kitahidi yale ambayo yanawezekana na kuyatimiza kwa wakati.

Alisisitiza kuwa viongozi wajuu wa CCM lazima waje kwa mabalozi wa mashina maana hao ndio wenye wanachama na wanachama ndio mtaji mkubwa wa chama chetu.

”Kuwa kiongozi maana yake kuwa mtumishi wa wananchi na sio kuwa mtukufu kwa wananchi.” (Picha na Adam H. Mzee).

CCM yafunika mkutano wa Ludewa, Njombe.

Admin — Wed, 29 May 2013 11:20:10 +0000

Katibu Mkuu wa CCM, Abdulrahman Kinana akihutubia maelfu ya wananchi katika mkutano wa hadhara wa CCM, kwenye Uwanja wa mpira mjini Ludewa mkoni Njombe, jana May 28, 2013. Kinana ambaye yupo katika ziara ya siku saba, kukagua utekelezaji wa ilani ya chama na kuzungumza na wananchi mkoani Njombe, amefuatana na Katibu wa NEC, Itikadi na Uenezi, Nape Nnauye. (Picha na Bashir Nkoromo).

Baadhi ya maelfu ya wananchi waliohudhuria mkutano wa hadhara wa CCM uliofanyika Mei 28, 2013 katika Uwanja wa mpira mjini Ludewa mkoani Njombe. (Picha na Bashir Nkoromo).

Mapokezi ya Dk. Kafumu yatikisa Igunga.

Admin — Sun, 12 May 2013 14:03:38 +0000

Mbunge wa Igunda, Dk. Peter Dalally Kafumu akiwasalimia wananchi katika mkutano wa mapokezi yake uliofanyika jioni hii kwenye Uwanja wa Sokoine mjini Igunga mkoani Tabora. Kuliani Katibu wa NEN, Itikadi na Uenezi CCM, Nape Nnauye.(Picha na Bashir Nkoromo)

NA BASHIR NKOROMO,IGUNGA

WAKATI mapokezi ya Mbunge wa Igunga Dk. Dalally Peter Kafumu yamesababisha baadhi ya shughuli kusimama, kwa hoi hoi, nderemo na

vifijo, Chama Cha Mapinduzi (CCM) kimeahidi kuongeza kasi ya utekelezaji wa ahadi ilizotoa katika jimbo hilo.

Akizungumza kwenye mkutano wa mapokezi ya Dk. Kafumu uliofanyika kwenye Uwanja wa Sokoine mjini hapa, Katibu wa NEC, Itikadi na Uenezi, Nape Nnauye, alisema CCM lazima itazitekeleza ahadi zote zilizotolewa na mbunge huyo kupitia ilani ya Chama wakapi akigombea katika uchaguzi mdogo uliofanyika 2011 jimboni humo.

“Baada ya mahakama kumrejeshea Ubunge mbunge wetu, CCM inaahidi kwamba ahadi zote alizotoa mbunge wenu zitatekelezwa kabla ya mwaka 2015. Na kwa kuwa Chadema walipunguza kasi kwa kusimamisha mbunge wenu baada ya kumpeleka mahakamani, CCM itaisimamia serikali ili kuhakikisha inaongeza kasi ya utekelezaji wa ahadi hizo kufidia pale utekelezaji ulipokuwa umepungua kasi”, alisema Nape.

Alisema, licha ya Dk. Kafumu kusimamishwa na mahakama, CCM iliendelea kutekeleza ilani katika jimbo la Igunga, kwa sababu ni wajibu wake kutokana na kwamba CCM ndicho chama chenye ilani inayotelekezwa kutokana na kuvishinda vyama vyote katika uchaguzi mkuu uliopita.

Nape alisema, moja ya miradi ambayo Dk. Kafumu na CCM waliahidi ni ujenzi wa daraja la mto Mbutu ambalo, alisema, sasa ujenzi wake unaendelea na yapo matumaini ya kukamilika kama ilivyopangwa.

Alisema, ahadi zingine ni kuhusu umeme, Barabara na afya ambavyo ni miongoni mwa mambo ambayo yapo katika ilani ya CCM, ambayo lazima CCM iyape kipaumbele kuhakikisha yanakamilika kuondoa au kupunguza kero za wana-Igunga.

Nape aliwataka wananachi wa Igunga kumpokea mbunge wao kwa mikono miwili na kumpa ushirikiano katika kutekeleza ahadi zake kwa sababu ni Mbunge ambaye wamepewa na Mungu wao na ndiyo sababu ameweza kurejeshwa na Mahakama licha ya juhudi za Chadema kujaribu kumkwamisha asiwatumikie.

“Hukumu ya kwanza tulishangaa, lakini kwa sababu tuliheshimu sheria kukatulia na kukata rufani. Mungu amekaa kati yenu wana Igunga amewarejeshea Dk. Kafumu”, alisema Nape.

Akizungumzia hali ya kisiasa nchini, Nape aliwataka wanaigunga na Watanzania kwa jumla sasa kuwa makini na vyama vya siasa vilivyopo hapa nchini akidai baadhi vimegeuka kuwa vyama vya vurugu na vya kigaidi badala ya kuwa vya siasa kama ilivyokusufdiwa.

Nape aliwataka wananchi wa Igunga kuwatenga wanaoshabikia chama chochote kinachoonekana kuwa cha fujo na kuwa na mipango ya kigaidi.

Akizungumza kwenye mkutano huo, Dk. Kafumu alisema, amefarijika sana kurejeshewa ubunge, akisema anatambua kuwa yeye ndiye chaguo la ubunge kwa wana Igunga kwa kuwa wanamtumainia katika kushirikiana nao kwenye katika kuliendeleza jimbo lao na Tanzania kwa jumla.

Dk. Kafumu aliahidi kuendelea na utekelezaji wa ahadi zake alizowapa wananchi wa jimbo hilo, ikiwemo ujenzi wa dalaja katika mto Mbutu ambalo alisema kutokuwepo kwa daraja hilo kumekuwa moja ya voikwazo vya maendeleo jimboni.

“Alipokuwa nazungumza hapa (Nape) nimetamani kulia kama mtoto wa Mkulima (Waziri Mkuu Mizengo Pinda), kutokana na hisia zilizoniingia kutokana na maneno aliyosema. kwa hiyo sina mengi ya kusema zaidi ya kuwashukuru kwa kunitia moyo nilipokuwa sipo kama mbunge wenu, maana nimekuta baadhi ya ahadi zaungu zimeendelea kutekelezwa”, alisema Dk. Kafumu.

“Napenda niwahakikishieni kwamba nitatekeleza ahadi zangu zote na sina shaka nitafanikiwa akwa kuwa mmenipa moyo mkubwa kwa mapokezi mliyonipa na hivyo naamini mtashirikiana nami kwa nguvu zaidi kutekeleza ahadi hizo”, alisema.

Mapokezi ya Dk. Kafumu ambaye aliwasili saa nane alasirin akitokea Dodona na Nape, yalianzia kiasi cha kilometa tano nje ya mji ambapo ulienda kwa kusindikizwa na pikipiki zaidi ya 200 na bajaji zaidi ya 60 huku wengine wakitembea kwa miguu kwa shamrashamra hadi Ofisi ya CCM ya Wilaya ya Igumnga.

Kabla ya ubunge wake kutenguliwa na Mahkama baada ya Chadema kwenda mahakamani, baada ya kushinda katika uchaguzi mdogo uliofanyika mwaka 2011, kufuatia aliyekuwa mbunge wa jimbo hilo, Rostam Aziz kujiuzulu.

Mkutano wa CHADEMA mkoani Iringa.

Admin — Wed, 24 Apr 2013 05:54:26 +0000

Msafara wa viongozi wa CHADEMA ukikatisha katika mitaa ya Iringa kuelekea kwenye mkutano wa Hadhara.

Katibu mkuu wa Chadema Dkt. Slaa (kushoto) akiwa na mbunge wa jimbo la Ubungo Jonh Mnyika katika mkutano wa wabunge wa CHADEMA waliofukuzwa bungeni, katika uwanja wa Mwembetogwa mjini Iringa jana.

Katibu Mkuu wa CHADEMA Dk Wilbrod Slaa amewataka wabunge wa CHADEMA kuendeleza ukali zaidi na kutokuogopa kufukuzwa Bungeni.

Akiuhutubia umati mkubwa wa wananchi wa mkoa wa Iringa katika uwanja wa Mwembetogwa jimbo la Iringa mjini, Slaa alisema kuwa kamwe hawatarudi nyuma katika kupigania maslahi ya Taifa.

“Tulisimama Mwembe Yanga na kuwataja mafisadi 11 akiwemo Rais Jakaya Kikwete ila hadi leo hakuna kiongozi aliyesimama na kupambana na mafisadi hao.”

Alisema CCM imeendelea kuifanyanga katiba ya Taifa hili kufanya mambo ambayo wanayajua wao na kuacha kuwatumikia Watanzania na hivyo kuwataka askari polisi na wananchi wanyonge kuungana na CHADEMA katika kulipigania Taifa la Tanzania ili lisiendelee kuwa Taifa la mafisadi wachache wa CCM.

Alisema kuwa wapo ambao wanaeneza propaganda mbaya dhidi ya CHADEMA ila ukweli ni kuwa CHADEMA ipo kwa ajili ya kumkomboa mwananchi na hivyo kuwataka watanzania kuendelea kukipa nafasi CHADEMA ili kuipokea CCM Ikulu kutokana na CCM kushindwa kuwatumikia wananchi wake.

Dk Slaa alisema kuwa pamoja na Idara ya Usalama wa Taifa kujifanya wanajua kila jambo, wengi wao hawaijui katiba ya Jumhuri ya Muungano wa Tanzania na ndiyo sababu wamekuwa wakifanya mambo bila kujitambua pamoja na wabunge wa CCM wanaokwenda Bungeni kwa ajili ya kuipongeza CCM badala ya kuwatetea wananchi.

Akawataka Usalama wa Taifa kulinda raslimali za Taifa kama twiga wanaosafirishwa nje ya nchi badala ya kupambana na CHADEMA.

Pia, aliwashangaa wabunge wa CCM ambao siku zote wamekuwa wakichangia bajeti na mwisho wakishauri ama kuipongeza bila kuangalia bajeti husika ipo kwa ajili ya wananchi ama kwa ajili ya serikali na kudai kuwa wabunge wa CCM wanafanya kazi ya serikali badala ya kuwatetea wananchi waliowatuma bungeni.

Amewataka Wabunge kutumia kamusi (dictionary) katika kupambanua kauli mbalimbali badala ya kutumia nguvu kusema wabunge wa CHADEMA wametukana bungeni.

Amewaagiza Wabunge wa CHADEMA kuchapisha vitabu vya mambo ya Bungeni na kuvisambaza kwa wananchi ili wajue kinachoendelea.

Mbunge wa jimbo la Mbeya mjini Joseph Mbilinyi (MR SUGU) alisema Serikali ya CCM imepotezana kiasi cha kumchukia mbunge wa jimbo la Ludewa, Deo Filikunjombe (CCM) kwa kuonyesha kusimamia ukweli kwa kuipinga bajeti ya Waziri Mkuu, Mizengo Pinda. “…binafsi nampongeza mbunge Filikunjombe kwa kuwa si mnafiki kama wengine.”

Mbunge wa jimbo la Ilemela mkoani Mwanza, Highness Kiwia alisema kuwa pamoja Bunge kuwa na Wabunge wa CCM wanatetea ufisadi wa serikali yao na kutaka chenji ya rada badala ya kuwasaka wahusika wa ufisadi huo.

Picha, maelezo, taarifa: Francis Godwin via FG blog, Iringa.

Kinana akihutubia maelfu ya wananchi mjini Morogoro.

Admin — Sun, 21 Apr 2013 18:57:42 +0000

Katibu Mkuu wa CCM, Abdulrahman Kinana akihutubia umati wa wananchi katika Uwanja wa Uwanja wa Ndege (zamani sabasaba) mjini Morogoro leo, Aprili 21, 2013, ikiwa ni hitimisho la ziara yake ya siku nane aliyofanya katika wilaya zote, mkoani Morogoro. (Picha na Bashir Nkoromo).

Ziara ya Kinana wilaya ya Gairo yaacha historia baada ya mwenyekiti na wanachama 68 wa CHADEMA kujiunga na CCM.

Admin — Fri, 19 Apr 2013 10:55:01 +0000

Katibu Mkuu wa CCM, Abdulrahman Kinana akihutubia mkutano wa hadhara uliofanyika Aprili 17, 2013, kwenye Uwanja wa shule ya Msingi, Umoja mjini Kilosa mkoani Morogoro.(Picha na Bashir Nkoromo).

Na Bashir Nkoromo.

Tsunami ya ziara ya Katibu Mkuu wa CCM mkoani Morogoro imeiacha CHADEMA taaban wilayani Gairo baada ya Mwenyekiti wa chama hicho Kata ya Mkalama wilayani Gairo Zefania Magiga na wenzake 68 kutangaza kuhamia CCM, wakati wa mkutano wa hadhara.

Magiga na wenzake wamekabidhi kadi zao za Chadema kwa Kinana, na kupewa kadi za CCM, baada ya kutangaza kukihama chama chao na kujiunga na CCM kwenye mkutano huo ambao ulifurika mamia ya wananchi, kwenye Uwanja wa shule ya Msingi Gairo B, katika wilaya mpya ya Gairo.

Mbali na kupokea wanachama hao kutoka Chadema, kwenye mkutano huo, Kinana alipokea wanachama wapya 120, waliojunga na CCM na kufanya jumla ya wanachama wapya waliojinga na CCM kwenye mkutano huo kuwa 188.

“Ndugu wana Gairo wenzangu na Watanzania wote, mimi kwa nafasi yangu ya Mwenyekiti wa Kata, nilikuwa naongoza wanachama wengi wa Chadema na nilikuwa si mtu mdogo, lakini kwa muda ambao nimekuwa ndani ya chama hicho nimebaini kuwa viongozi wake wa kitaifa ni matapeli wa hali ya juu, ndiyo maana mimi na wenzangu tumeamua kuhamia CCM”, amesema Magiga.

Amesema, akiwa Chadema alikuwa akishangaa kuona kwamba kila agizo alilokuwa akipokea kutoka viongozi hao wa chama hicho lilikuwa la kumwagiza kushawishi wananchi shari na kukataa kutii sheria za nchi, jambo ambalo amesema kwa muda mrefu alikuwa hakubaliano nalo kwa kuwa ni tofauti na lengo lililokuwa limemwingiza Chadema tangu kuanzishwa kwake miaka zaidi ya 15 iliyopita.

Akizungumza kwenye mkutano huo Katibu Mkuu wa CCM, amesema, uamuzi wa wananchi wanaojiunga na CCM sasa na hata baadaye ni wa busara sana kwa sababu CCM ndicho chama ambacho bado cha kuaminika kwa malengo na matarajio yote ya maendeleo, amani na usalama wa Watanzania.

Kinana, Nape Wafanya Kweli Kilombero.

Admin — Wed, 17 Apr 2013 04:54:39 +0000

Katibu Mkuu wa CCM, Abdulrahman Kinana, akivishwa skafu na chipukizi alipowasili eneo la kivuko cha Kilombero tayari kuanza ziara ya kikazi ya kuimarisha uhai wa chama hicho katika Wilaya ya Kilombero, mkoani Morogoro,Kinana alikuwa akitokea wilayani Ulanga.PICHA NA KAMANDA RICHARD MWAIKENDA

Wanachama wa CCM wakiimba wimbo wa kumkaribisha wilaya ya Kilombero Katibu Mkuu wa CCM Andulrahman Kinana, akitokea wilaya ya Ulanga pamoja na vingozi wengine wa chama hicho.

Katibu Mkuu wa NEC-CCM wa Itikadi na Uenezi, Nape Nnauye akipandisha bendera kuzindua rasmi Tawi la CCM la Manjecha eneo la Mahutanga, wilayani Kilombero PICHA NA KAMANDA WA MATUKIO BLOG.

Katibu wa NEC Itikadi na Uenezi Nape Nnauye akizungumza na wananchi baada ya uzinduzi wa Shina la Wakereketwa wa CCM la tawi la Manjechanga, Ifakara mkoani Morogoro, Aprili 16, 2013.

Katibu Mkuu wa NEC-CCM wa Itikadi na Uenezi, Nape Nnauye akiwa na watoto waliokuwa sehemu ya watu walioshuhudia uzinduzi wa Tawi la CCM la Manjecha eneo la Mahutanga, wilayani Kilombero.PICHA NA KAMANDA WA MATUKIO BLOG

Katibu Mkuu wa NEC-CCM wa Itikadi na Uenezi, Nape Nnauye akipandisha bendera kuzindua rasmi Tawi la CCM la Manjecha eneo la Mahutanga, wilayani Kilombero

Ranfred Majiji ambaye alikuwa mfuasi wa Chadema akikabidhiwa kadi ya CCM na Kinana

Anna Mwakitosi aliyekuwa mwanachama wa Chadema, Anna Mwakitosi akishangiliwa na wafuasi wa CCM baada ya kujiunga CCM

Kinana akihutubia katika mkutano wa hadhara uliofanyika Stendi ya Ifarakara Mjini

Sehemu ya umati wa wananchi uliofika kwenye mkutano huo.

Baadhi ya wafuasi wa Chadema wakimsikiliza Katibu Mkuu wa CCM, alipohutubia mkutano mkubwa wa hadhara kwenye Stendi ya mabasi ya Ifakara mkoani Morogoro, Aprili 16, 2013.

Mkuu wa Wilaya ya Kilombero, Elias Masala (kulia), akijibu maswali mbele ya Kinana jinsi alivyopanga mikakati ya kuwaletea mandeleo wananchi wa wilaya hiyo.

Katibu Mkuu wa CCM, Abdulrahman Kinana (kulia), akimkabidhi ubani mtoto wa aliwahi kuwa Mwenyekiti wa CCM Wilaya ya Kilombero, marehemu Oswald Mkokochela, Edward wakati uongozi wa chama hicho ulipokwenda jana kuifariji familia kwa msiba wa uliotokea juzi. Ifakara Mjini,

Mwenyekiti wa CCM Mkoa wa Morogoro, Innocenti Kalogaries akimkabidhi ubani Edward.